Eyvind Volle har dette året flytta gründerverksemda si Wood-art til Devoldfabrikken i Langevåg. Der han dreier produkt av til dømes oliventre.
Eyvind Volle har tidlegare vore forkynner i Sunnmøre Indremisjon, og krinsleiar i Indre Sjø i Rogaland. No er han tilbake på Sunnmøre og skal gjere alvor av si gründerverksemd, Wood-art. Torsdag 1. desember opnar han sin verkstad og butikk på Devoldfabrikken i Langevåg.
– Tredreiinga starta med ein tolv år gamal gut som var på oppdagelsesferd i kjellaren, og fant ein gamal dreiebenk. Eg klarte å sette den saman og flekke barka av ein bjørkekubbe, og då var det gjort, fortel Volle.
No er halve produksjonen av materialet oliventre som han sjølv hentar i Israel.
– Eg har reist ein del i Israel, og då har eg kome over oliventre som er det flottaste treverket du får tak i, legg Volle til.
Volle produserar produkt som pennar og barbersaker av oliventre, i tillegg tild et kunden måtte ynskje. Meir om produkta finn du på wood-art.no, eller ved å besøke den nystarta verksemda i Langevågen.
Høyr heile intervjuet med Eyvind Volle her:
