I 2017 håpar Radio Sunnmøre på ei meir stabil inntekt, og utfordrar dermed sine lyttarar til å bli faste givarar. I år håpar vi på 500 nye faste givarar som gir minimum 200 kroner til Radio Sunnmøre kvar månad.
Kvart kvartal trekk vi ein vinnar av ein Pinell Supersound DAB/DAB+/FM – radio av dei nye faste givarane. Dersom du allereie er fast givar og ynskjer å auke ditt beløp, så er du og med i trekninga. Beløpet må vere på minimum 200 kroner kvar månad.
-Dette vil gje oss ei meir stabil inntekt, og vi slepp å spør om pengar heile året. Det vil avlaste oss som arbeidar i radioen, og det vil avlaste lyttarane, fortel dagleg leiar Ragnhild Kristine Vartdal Espelund.
-Vi ynskjer å gje lyttarane ein radio med kvalitet, ein radio med eit unikt innhald og ein musikk ein sjeldnare høyrer andre stadar. Vi ynskjer å inspirere, engasjere og vere trusbyggjande gjennom det vi sender av intervju, andakter og musikk. Håpar at lyttarane våre set pris på dette, legg Vartdal Espelund til.
Ynskjer du å bli ny fast givar, eller auke ditt beløp, så kan du ta kontakt med Radio Sunmøre på tlf: 70154100, eller nytte skjemaet som er vedlagt her. Det må sendast inn med underskrift til adressa nederst på arket.
Skattefrådrag for gåver i 2017 er auka til kr. 30.000,-
-Vi er enormt takksame for alle gåver som kjem inn til Radio Sunnmøre. Det er inga hemmelegheit at utan dei hadde vi ikkje vore på lufta, avsluttar dagleg leiar.