Det var nerver i studio då vi trekningsdagen starta morgonsendinga med seksti uselde loddark. Etterkvart som timane gjekk vart det eine etter det andre arket selt. Og då direktesendinga på kvelden kl.21.00 starta, der trekninga skulle foregå, var det berre tre uselde loddark att. Det tok ikkje mange minutta før dei var utselde, og ein kunne juble for at lotteriet gjekk med den inntekta ein håpa for Radio Sunnmøre.
Det var då budsjettet skulle leggast i starten av året ein fann ut at ein burde auke inntekta på årets lotteri. Rett i underkant av kr. 200 000 er samla inntekt frå årets loddsal, noko både staben i Radio Sunnmøre, styret og økonominemda er svært takksame for.
– Eg er svært imponert over alle som fylgjer oss og er så gode støttespelarar i dette arbeidet. Det hadde absolutt ikkje gått utan. Vi har hatt fleire hundre telefonar frå lyttarane dei siste fire vekene loddsalet har pågått, og det har vore svært hyggeleg å få snakke med lyttarane som set pris på jobben vi gjer, fortel dagleg leiar Ragnhild Kristine Vartdal Espelund.
– I tillegg må eg takke økonominemda som har gjort ein fabelaktig innsats å skaffe desse nitten utruleg flotte gevinstane til lotteriet, og det på frivilleg innsats. Tusen takk til alle dei som også har sponsa oss med gevinstane, legg Vartdal Espelund til.
Vinnarane av årets Radiolotteri er:
- Stressless m/skammel i svart skinn – Arnhild Sjeggestad, Ellingsøya
- Reisesjekk frå Si-Reiser – Haldis Kjerstad
- Gåvekort frå J.R.Sunde kr.6000, – – Betty Sviggum, Eidsnes
- Gåvekort frå J.R.Sunde kr. 4000,- – Odd Jarle Støbakk, Godøy
- Hardangerbestikk – Solborg Brandal, Skodje
- Le Creux emaljert gryte – Mary Stige, Ålesund
- Kontorstol frå Helseth Interiør – Reidun og Ole-Bjørn Frøystad, Bølandet
- Gåvekort frå Nordstrand VVS – Kirsti Enkrog, Skodje
- Hardangerbestikk – Fam. Jon Einar Sunde, Klepp
- Glass og Ramme, gåvekort innramming – Gunvor Stige
- Saueskinn – Marit Opskar, Skodje
- Saueskinn – Marita Flydal, Emblem
- Gåvekort frå XL- Bygg Roald kr. 1000 – Eva Giske, Ellingsøy
- Leiketraktor – Anne Bjørg Moldskred, Hareid
- Redningsvest – Hans Petter Kalvø, Fiskarstrand
- Redningsvest – Dag Kristoffer Djupvik
- Kurv med heimelaga saft, sylte, plommer – Arvid Lukkedal, Emblem
- Dukkesett frå Valderhaug Rørhandel – Kirsten Taklo, Ålesund
- Vase, Hemmersøy, frå Valderhaug Rørhandel – Liv Berit Storhaug, Skodje
Vi gratulerer alle vinnarane og takkar for innsatsen i årets Radiolotteri!!
