Det var fyllt opp i dei nær 350 plassane på Gomerhuset på Skodje under Radio Sunnmøre sin 40 års feiring søndag 26. januar. Eit feststemt publikum fekk med seg eit fyldig program med både tilbakeblikk og status for dagens lokalradio på Sunnmøre. Adonai, Valderøykvartetten, Tor Rødseth og Marit&Irene delte gode og evangeliske songar, Johan Halsne og Gudrun Longva kom med helsingar, og Are Bakke, saman med Ragnhild Kristine Vartdal Espelund, leia kvelden. Det var intervju med ulike menneske som har vore med iløpet av dei 40 åra, og det var kakefest på slutten med gode kaker sponsa av Ålesund folkehøgskule og Sjøholt folkehøgskule sine kjøkken.
I løpet av kvelden kom det inn ei fantastisk jubileumsgåve til Radio Sunnmøre på kr. 90 314,-.
Tusen takk til alle som kom og delte denne feiringa, og tusen takk for gåva.
