Mandag 4. desember inviterer Radio Sunnmøre til julekonsert på Blindheim bedehus, saman med MJU Vocal. Det blir ein kveld fyllt av akapellamusikk, julemusikk og historia bak enkelte julesongar. Arild Ove Halås vil dele nokre historier, og Ragnhild Kristine Vartdal Espelund vil leie oss gjennom kvelden.
MJU Vocal deltok på Radio Sunnmøre sin inspirasjonssamling på Valderøy bedehus i februar i år. I etterkant av dette kom idèen om å lage ein julekonsert saman. Det musikalske står vokalgruppa eine åleine om. Gruppa består av Svein Ola Lillestøl, Irene Åbrekk Kalvatn, Gaute Øvereng og Anne Marta Vinsrygg Vadstein.
Vi gler oss stort til å invitere til julekonsert på Blindheim bedehus mandag 4. desember kl.1900. Du er hjarteleg velkomen!