Frå 1. mars blir det endringar i staben i Radio Sunnmøre og ImF Sunnmøre. Arild Ove Halås har sidan 2019 blitt utleigd frå ImF Sunnmøre til Radio Sunnmøre, det siste året i 60%. Frå 1. mars tek Halås i gong med nye oppgåver i ImF Sunnmøre som ny administrasjonsleiar. Janne Petrine Støbakk går 1. mars av som pensjonist etter over 20 år i ImF Sunnmøre, og Halås trer inn i hennar oppgåver.
Arild Ove Halås vil frå 1. mars og fram til sommaren framleis vere i 20% hos Radio Sunnmøre til ny journalist er på plass. I tillegg kjem Johan Behrentz inn frå 1. mars til 30. juni i ei journaliststilling på 20%. Han er tidlegare journalist i Sunnmørsposten, men no pensjonist. Behrentz har dei siste månadane laga både innslag og Misjonsnytt til våre nye misjonstimar på føremiddag og kveld, så det blir ei kjend stemme for fleire. Dermed får vi fram til ny medarbeidar er på plass til hausten gode og fyldige sendingar på Radio Sunnmøre sine sendeflater.
